جبر الحواطؤ / عاطف محمود
« جبر الخواطر »
اجبر خاطر خليك شاطر
ونجي نفسك من المخاطر
هتلاقي ربك معاك وساتر
« جبر الخواطر »
زي شعاع النور بينور الدروب
وطريقك للعبور
« جبر الخواطر »
زي لون ورائحة الزهور
زي شربة ماء لظمأن شهور
اجبر بخاطر كل محتاج فقير
علشان يعيش مستور
ارسم البسمة على الشفاة
والعيون بجبر خاطر
ساعد ملهوف مسكين
ومع الله بها تاجر
تجارة لن ولم تبور
طبطب بأيدك علي كل مقهور
ساعد في شفاء كل قلب
مكسور ومحصور
معهوش ثمن الدواء ومعذور
واوعى في يوم تعجب بنفسك
ويصيبك الغرور
وتعشق التباهي والظهور
يبقى وقعت في شر اعمالك ياشطور
خلي جبر الخواطر هي شغلتك
وكل همك وعلى الناس يسر
فرح القلوب بكلمة حلوة
تفتح للأمل باب وتجبر خاطر
نجي نفسك ياشاطر
من كل المخاطر
بقلم /عاطف محمود (مصر)
تعليقات
إرسال تعليق