حبه كراكيب *** للشاعر /صابر الشناوي
*** حبه كراكيب ***
للشاعر /صابر الشناوي
ورا باب القلب المتكسر
حبه. كراكيب
هتلاقي الحلم المتفسر
من يوم ما وعيت بيه
ع الدنيا منتش حبيب
ماشي باحساسك وعواطفك
ومسلم نفسك ليه دايما
تجري له في حلمك
ميت. مشوار
والاخر تطلع مش لعيب
ترمي في مشاعرك جوا النار
وتلوم الحب تقول دا عذاب
وياما قلت عليه جبار
وياما قلت عليه دا نصيب
وتداوي في جرحك ليل ونهار
وجراحك يوم عن يوم بتزيد
فاتح باب قلبك باستمرار
فكرك هتلاقي فيوم له طبيب
طب ايه هيداوي المتكسر
ومن امتى جراح الهوى بطيب
صادق وصريح طبعا جدا
وف عرفك الكدب دا؛٠٠٠٠عيب
تفرد في مشاعرك ع الاخر
ومفكر كل الناس زيك
ازاي بتكدب ف مشاعر
مفروض انها جوا ف قلبك
قلبك ماتكسر م الأحزان
وورا ه دايما باين ضلك
وشروخ الجرح فيه بتبان
انت الغلطان ساذج دايما
ورا باب القلب المتكسر
لملم اوجاعك وداريها
إتعلم وبلاش تتحسر
في زمانا الطيبه دي اصلا عيب
صراحتك خليها لنفسك
وعواطفك مشيها بعيد
وبميت ترباس تقفل قلبك
اكدب ع الكل وقول عادي
افهم خليك كدا واد لعيب
وان جالك تاني قوام تهجر
إن لامك حد اللومز مش عيب
لوشكي للناس يشكيك عادي
منتا اللي بايدك ياما هديت
وكسرت القلب متين حته
وهان الدمع وياما بكيت
ولاهنش عليك تسأل مره
لو ظلمك عادي انت اللي بديت
راح انسى خيالك بالمره
وان عادت تخيلني الذكري
هندم على يوم فيه حبيت
هضحك وهأقول درس وفات
منه اتعلمت و مش فاضل
منه غير بس يادوب
ورا باب القلب المتكسر
حبه؛؛؛؛؛؛؛؛؛؛ كراكيب
تعليقات
إرسال تعليق