اعذريني #كلمات_ايمن_شتا

 #اعذريني

#كلمات_ايمن_شتا 

اعذريني انا مش ملاك.. أو نبي فعهد الرسالة

او حكاية أو رواية.. أو مجرد بس حالة

او قصيدة هتقوليها.. ولا حتى لعبة بتمسكيها

الحكاية بس فيها.. اني مش هنفع معاك

صدقيني انا مش ملاك..

اعذريني واخلقي مية الف عذر.. 

قولي حب حد تاني.. قولي كان واحد اناني

قولي خني أو جرحني.. قولي قلبه مش عشاني

طلعيني بصورة وحشة.. مش مهم

قولي حتى حياته صعبة.. ولا عنده دم

قولي كان غاوي الخيانة .. بس اوعي تزودي

قولي شفت معاه إهانة.. وامشي واقفى واقعدي

مثلي دورك بجد.. اوعي تدي لحد رد

نزلي حبة دموع.. وامسحي الكحل اللي باش

قولي عمري راح بلاش..

طلعي فيا العيوب.. قولي كان رافض يتوب

صور لهم صورة ليا.. اني شيطان كلي ذنوب

قولي عمره ما كان ملاك..

او نبي فعهد الرسالة..

او حكاية أو رواية..

هو كان في حياتي حالة..

وانتهت بنا الحياة..

وانا.. انا هسمعك من غير مرد

ولا هدافع أو هصد

اصل انا حبيت بجد

حبي ليكي.. مش زي حد

بس مشواري طويل

لسة همشي الف ميل

ايوة حبك كان جميل

بس موتي كان بديل

والحياة بعدك محالة

قولي كان فترة فحياتي

عشت فيها احلى حالة

اعذربني انا مش ملاك

او نبي فعهد الرسالة

الحكاية بس اني

كنت لازم ابقى حالة

....

ايمن شتا