لله يا ديك الجبال العالية/نجات بوريشة
لله يا ديك الجبال العالية
وللي فوق راسها علات الأشجار
كيف يدير للي خاطرو ما هانية
والنعاس من عينيه طار
والروح هجرت الكسدة الفانية
والربيع قبل الخريف ا صفار
الدنيا بحملها الثقيل علي رامية
وكتمضي فيا يا ناس الظفار
عييت نغمض عيني ونگول راضية
ومن كاس الهم نشرب المرار
واشحال قدها هاكا تبقى غادية
واش حتى تقاضى الاعمار؟
بغيت نفوز بسويعة وتكون شافية
ملي نگول يتبدل حالي يزول الغيار
تهب الريح والرعد وتولي شاتية
نرجع من بديت بلا تحكار
نصحوني وعلى رايكم سفني راسية
فيدوني يا اهل المشورة الاحرار
جاوبوني لا تخلوني وحدي داوية
اين والي صالح يسگم السعد ويتزار
يفك العكس نمشي ليه بقدامي حافية
نوفى المراد وتبدل ليا الاقدار
واطفى النار للي في الجوف گادية
تزيان الوقت وربيعي فيها يخضار
ما بغيت لاذهب ولا جوهر الهنا راجية
تدوم المحبة وطلع شمس النهار
و الخواطر وتولي كيف كانت صافية
نجات بوريشة
تعليقات
إرسال تعليق