اضحك /ابراهيم علي
٠٠٠٠٠٠٠ اضحك ٠٠٠٠٠٠
ياجمال شكل الشفايف لما تفرح
ويبقى نن عنيا شايف الدنيا تفرح
ويدق قلبي نغمة بياتي او حتى سيكا
واطلع لساني واقول ياحزن طظ فيكا
٠٠٠٠٠٠٠٠
أضحك اوي ياجدع والقهقها بصوتك
تلقى الحياة منتجع والسعد ملكوتك
ويرتاح الفؤاد م الوجع والعمر مايفوتك
اضحك بصوت عالي او بسمة ف سكوتك
٠٠٠٠٠٠٠٠٠٠
الضحكة ضوء أخضر يعبر خلالها الدم
يزيح من القليب الضني ويهدم خلايا الهم
اضحك وعيش الحياة بعيد عن دروب الغم
الضحكة ملهاش سن ولا بالميزان والكم
٠٠٠٠٠٠٠٠٠
بلياتشو والضحكة دايما شغلته
وجوه منه شايف في ضعفه قوته
كل دوره انوا يضحك اي حد في سكته
أصعب احساس ان الضحك لو مهنه ياقسوته
٠٠٠٠٠٠٠٠٠
ابراهيم علي
تعليقات
إرسال تعليق