طاب الگليب من البكا/نجات بوريشة
طاب الگليب من البكا
على قلة الميمون والزهر
وناري وشحال شكا
بغيتو غير مرة يظهر
هو مال ميلة وحدة واتكى
واش هذا حالي من دون البشر
وعودي العلام وسط الحركة
بارودي برد وهو يتنعثر
زهري عواج على السكة
وربيعي ولى يا خوياتي اصفر
والسواكن ملكتني ملكة
شحال يقدني نجذب ونتحير
وملي گلت نجمع الهم في الشبكة
احمل عليا ثقال وولى يقهر
درت اعلام ودگيت وتادي دكة
على ربي يتگاد الميمون ويحضر
نجات بوريشة
تعليقات
إرسال تعليق