لولا الامل /اسامة جديانه
لولا الأمل فى الحب
وباقة من الحنين
ماكان فى قلب حب
ولا كان للحن رنين
ولا حن نبض القلب
لزهور البساتين
حتى الشجن فى الطرب
بيزيد لمعان العين
يهز المشاعر بلا سبب
ويشعل الشوق فى الوتين
تنزل قطرات السحب
هدية للعاشقين
على حبه انكتب
فى الشعر والدواوين
سرد التاريخ فى الكتب
حب بهية وياسين
الحب فى قلوبهم انسكب
ينزف فى قلبه حنين
واللي قلبه لحبيبه وهب
وصار الحب فى الشرايين
هدية أثمن من الذهب
تاج على رؤوس المغرمين
تعليقات
إرسال تعليق