ذكرىٰ العبور العظيم/حسن هاشم
ذكرىٰ العبور العظيم
..
(( حكاية إنتصار ))
في يوم من الأيام
كان عيد عند اللّئام
وعندنا كان يوم صيام
في العاشر من رمضان
ساعة الصفر حانت
هديه من الرحمن
ينصر جنودنا البواسل
وبدأنا بالطيران
وأتشل عدونا الجاسر
ماخلاص ظهرله كاسر
كان فاكر أنه لئيم
وهيَّ دكه واحده
من جيشنا العظيم
واتفرقوا الغربان
ورفرف حمام السلام
ألفين مدفع ومدفع
علىٰ صوت جرس كنيسه
وأذان في كل جامع
قالوها جنودنا البواسل
الله اكبر عبرنا
الله اكبر انتصرنا
الله اكبر الله اكبر الله اكبر
عبرنا القنال عبرنا
وكان عبورنا ميلاد
يا ولاد بلدي إنتصرنا
وهلّتْ الأعياد
صوره من صور جنودنا
وزادت الأمجاد
مسلم مسيحي
حالف
يكتب بدمه تاريخ
هديه للأحفاد
وأرتوت أرض سينا
بدم كام شهيد
حكايه نحكيها ديماً
لكام مليون وليد
ده المصري طبعه عنيد
يا خير جند الأرض
يا صاين بدمك عرض
بتصلي الفرض بفرض
ومش ممكن أبداً في يوم
تكون من العبيد
ده الموت عندك اهون
ويكفيك لقب شهيد
الله اكبر عبرنا
الله اكبر إنتصرنا
الله اكبر الله اكبر الله اكبر
عبرنا القنال عبرنا
يا ولاد بلدي إنتصرنا
الفيلســـــــوف العاشــــــــق
حســــــــن هاشــــــم
5 أكتوبر 2018
تعليقات
إرسال تعليق