حضن امان /حسن الشوان
........ حضن أمان .........
يا بابا إيدك حضن أمان
صباع واحد منها قوة
كنت السند والعنفوان
وراحة الضهر والعزوة
وفي عز قسوتك حنان
وصديقى في أى خطوة
عطر دمك في الشريان
علمني الشجاعة والنخوة
كنت نصير كل غلبان
كنت خصيم أي طغيان
وفي وقت الحق فتوة
إيدك يا بابا حضن أمان
عطر عرقك كان ربوة
عزتك كرامه طول الزمان
صدق كلامك في اللسان
راية شموخك ليا قدووة
صاحبت الوجع وإنت شقيان
روضته بصبرك بكل ذروة
كنت السيف قدام أي جبان
والدرع ضد أي نفوذ وسطوة
عشت الأمك بعزم الشجعان
كرامتك على راسك نيشان
قهرت بعزيمتك كل كبوة
من غيرك دوقت مر الحرمان
وزرعت جوايا روح الإنسان
ومن غيرك ملقتش إبوووة !!
......................................
........ حسن الشوان ............
تعليقات
إرسال تعليق