الصعيدي /بقلم علي عبد الرحيم
الصعيدى
؛ ؛؛؛؛؛؛؛؛؛؛
هو ابن أصول ومتربي
على طبلية ابوه
ظلماه الدنيا ومخبي
وكل دقه فيه ياقلبي
بتخاف منك ياربي
بتخاف تكسر خواطر
حتى اللي ظالموه
لا يعرف غدر ولا خيانه
حتى لو كل الخلق خانوه
عاش وبيعيش أيامه الشقيانه
بيزرع الود يحصد صد
من قلوب اسمها حبوه
دا مكتوب ولادا ذنوب
فين الشمس ياغروب
نفسي اشوفها والبس توبها
اغفر لي ياربي
هو ابن اصل اه ومتربي
في زمانا دا لا حد بيفكر ف حد
و لا حد بيشتري خاطر حد
والنفوس الصافيه والقلوب الدافيه
على الصوابع يا كسرتي تتعد
ف الفرح من حبايبك
وف الجرح مش شايفك
وف الشده يبني
بينك وبينه الف سد
دا مكتوب ولا دا ذنوب
فين الشمس باغروب
نفسي اشوفها والبس توبها
اغفر لي ياربي
هو ابن اصل ومتربي
هو حد بسيط جدا
كل نبض فيه بيأذن
لا يعرف حد كبير ف البلد
ولا يعرف ضحكة الدنيا
فين طريقها وفين بتتولد
لكن عبد اللي خالق البلد
مدد مددد يا رحيم مدد
اكتر الوشوش اللي قابلتها
اكتر النفوس اللي عاشرتها
فقيرة اصل وشهامه وجدعنه
عبد القرش اناني
وجاحد حتى على الضتي
يعني تقدر تقول كدا
نفوس كمالة عدد
اه اه فين يا دنيا المحبه
فين يادنيا السند
َمدد مدد يارب مدد
على عبدالرحيم محمد
تعليقات
إرسال تعليق