راس السنة /بقلم ابراهيم علي
------- رأس السنة ------
لأخر السنة حاجات كتير متأجلة
ساعات مضت وايام جرت وحتى الشهور مستعجلة
والقدر حاسب حسبته
اما عسل من منحله واما لدغة نحلته
هجر اوفراق بُعد او لقاء كل شيئ محسوب زمانه
بورقة نتيجة صغيرة والحدث مجهول مكانه
وعلى رأس السنه تجمع وتطرح
كام دمعة نزلت وكام لحظة تفرح
ووقت الحصاد من نبت قدرك
وعقل يسرح بكل الجهات وقلب يصرخ جوا صدرك
مرت سنه ومر فيها حاجات كتير
ابنى الصغير زاد عمره سنه
واصبحت انا عمرى كبير
ولسه شبيه بابا نويل مش فارق معاه غير اللعب
مش مهم عنده مين اتظلم او مين تعب
بلياتشو وشايل كيس دمى
يمكن اصم يمكن ضرير كله جايز ربما
ويلبس قناع يوارى بيه وجهه الحقيقى
والرسالة مضمونها انو شخص مش حقيقى
شبيه بابا نويل
وجهه الحقيقى يشبه لنا
واخر السنه يلبس قناع ويغشنا
وجهه ابيض ولحيه شايبه وانف احمر زى قلبه
وعلى راسه قرطاص بس قلبه
وعلى كتفه كيس مليان لعب
وهى ساعة يلفها من غير تعب
وتعيش سنه ناقصه ساعة ومن بعدها
كمل عدد كم دمعة لوكنت شاطر عدها
ياشبيه بابا نويل
نصيحة منى غير وظيفتك
وقول الصراحة وانسى صفتك
وزع لعب ووزع معاها شوية غموس
لناس تعانى من المجاعة ومطحونين وسط التروس
وزع علاج لمرضى تحتاج الامل بدل اللعب
ناس الاه لغيتها من غير ترجمة عند التعب
وزع امان لكل طفل يحتاج اليه
واصرخ بوجه كل قاسى وقوله ليه
عايزين نعيش حياة بسيطة من غير تعب
من غير حروب اوضحايا ساعتها بس وزع لعب
٠٠٠٠٠٠٠٠٠
ابراهيم على
تعليقات
إرسال تعليق