شوق وحنين /بقلم ماجدة الرخ
( شوق وحنين )
بحن لبيتنا وبلدنا
وأخواني ولمتنا
وضحكة أبويا وصوت أمي
وأصحاب وجيران كانوا أهلي
بحن لقاعدة فيها أختي وأخويا
وضحكة من قلبي
بحن كمان لحكاية
تحكيها جدتي لينا
ولدمعة كانت على خدي
مسحتها أختي بحنية
واحن كمان لمدرستي
وأصحاب كتير كانوا ليا
ولعب الأولى فى الشارع
واكل اللب وانا واقفة
مع اصحابي بنتسلى
وتيجي أختي وتنده لي
واقول لها خلاص يا إيمان أنا جاية
بحن لصورة فى خيالي
وياما حلمت اكون فيها
بحن كمان لصوت سومة
وفيروز وأغاني الصبح
يا حلو صبح وقنديل يغنيها
وهمسة عتاب والمهندس
بكلمتين وبس يفوز بيها
وابلة فضيلة وحكاويها
وإلى ربات البيوت قبليها
بحن لكل دا واكتر
كانت ايام وكان الأمان فيها
ماجدة الرخ
تعليقات
إرسال تعليق