وانا وياك /بقلم سعيد حسان

 ( وأنا وياك )

للشاعر  //  سعيد حسان.

                          *****

وانا وياك  ....

كانى حمامة بترفرف 

 ف وسط الريح ....

تشيلنى لفوووق  ...

وقلبى يروووق  ...

ويندهلك

                         *****

بأحس بأنى عصفورة

 صغيورة ....

وقلبي ضعيف 

وبيهفهف ....

لها جناحين ... ومش شايلين

تبص شمال ..تبص يمين

ومين ييجي ... ويسمعلي

دا طول عمري  ....

وأنا من قلبي بأسمعلك

                         *****

تاخدني الغربة من نفسي ..

واقول نفسي تشاغلني ..

و لو حتى ف أحلامي ..

وفجأة تبقى قدامي ..

ويرقص قلبي م الفرحة

أماني بالوعود طارحة

وتفضل إنت تاج راسي

وانا وحدى إللي أستهلك

                            *****

يا ساكن قلبي وكياني ..

دا إنت دنيتي وناسي ..

وروحنا في الوجود واحدة

ومش ممكن نكون إتنين

وأقولهالك بشكل صريح ..

مفيش غيرك بقيت أهلى ..

وانا برضه بقيت أهلك

                           *** **

 وبتلفت بأشواقي وإحساسي

 لقيت إيدك بترفعنى ...

 لفوق ولفوق ...

بحنية .. وعلى مهلك

وحاسة نفسي ... جنية

ف وسط البحر .. بتعدي

ونسمة صيف .... معدية

بتهمسلي ... بدون تلمييح

نهاية حلمك الوردي ؟!!!!

                         *****

وموج البحر وقعنى.....

لقيتنى بفووووق  ...

وباندهلك  ******

( وأنا وياك )

للشاعر//  سعيد حسان