القناعة..بقلمي.. شعبان محمد الطحان.
القناعة..بقلمي.. شعبان محمد الطحان.
الرضا بالمقسوم عبادة
لكن النفس أمَّارة
لو قعدنا نقول ياسادة
ونبني ف مية عمارة
خليك راضي باللي أداه ربك
وأوعاك تبص لغيرك
خلّي رضاك جوه قلبك
وأحمده على كل خيرك
السعادة مش كتر مال
ولابالجاه تبقى سعيد
ده ربك بيبدّل حال عن حال
وكل لحظة جديد
أحمد ربك تُنول رضاه
واشكره ع القليل يكتر
ف الآخرة الحمد تلقاه
ثوابه أكتر وأكتر
خلّي السعادة دارك ودُوارك
ف كل وقت هيه حالك
وأوعاك تخاف من نهارك
ليه رب هو أعلم بحالك
القناعة كنز والرضا بيها كنوز
اللي يرضى بيها ينعم ويفوز
واللي فاكر الفقر عيب
عُمر الغنى ما كان بالجيب
ياما فيه ناس
من كتر الفلوس تنداس
وناس من قلتها
تنشال فوق الراس
بقلمي.. شعبان محمد الطحان.
تعليقات
إرسال تعليق