ياميش رمضان) د.عصام أبودنيا
.. (ياميش رمضان)
د.عصام أبودنيا
،،،
الشارع حيث يقف الباعة امام الدكاكين المتجاورة،، يتنافسون في عرض بضاعتهم،، امام الماره،، نساء ورجال واطفال
الجميع:
رمضان كريم شهر الضيوف
قرب وشوف بضاعتنا شوف
انواع كتير اصناف الوف
يلا اشتري لجل الضيوف
بائع1: قرب خد لك كام كيلو تين
مع كام لفة قمر الدين
بائع2: بلحنا فاخر من أسوان
بائع1: ياجميل ياسوري
ياقمر الدين
بائع2: زبيب ايرانى لوز اصفهانى
لو دقته مره ح تجيلي تانى
بائع الكتافه: كنافه بلدي واصيله
تحشيها تتلم العيله
صبى بائع الكنافه:
قطايف عصافيرى
جربها ح تدعيلي
بائع المكسرات:
يامكسرات يامكسرات
ياجوز و لوز يامكسرات
وعين جمل وفستقات
قرب و دوق قرب ياذوق
ح تدوقها مره تقولي هات،
" يدخل طفل مع ابيه،،من الطبقة الفقيرة،*
الطفل لأبيه: عايز قراصياومشمشيه
و من الزبيب كتر شويه
الأب: يا ابني اصبر دى الماهيه
طايره مني ومنتهيه
قبل ماامسكها في أيديه
،،يدخل بائع العرقسوس،،يدق الصاجات" بائع العرقسوس:
ياعرقسوس يا عرقسوس
شفا وخميره بدون فلوس
الأب: املا لى يلا ياعم كيس
"الطفل يجذب ابيه من ملابسه"
الطفل: مابحبهوش مابحبهوش
هاتلي كنافه وهات ياميش
الأب: كنافه ممكن بلاش ياميش
اجيب منين ياابني الفلوس
،، يجر الأب ابنه من ذراعه ،،،تدخل سيدة وطفلها،،من الأغنياء،،
الهانم " بإستعلاء ": انت،،يا
البائع: امرك يا هانم
الهانم: عندك ايه؟
البائع: كل اللي قلبك يشتهيه
الطفل: مستورده؟
البائع: طبعاً يا بيه
الهانم: درجه اولي؟
البائع: أمال ايه
صنف لا يعلا عليه
الهانم: طب شوف حماده عايز ايه
البائع: انا تحت امر حماده بيه
حماده: عايز خشاف ومكسرات
اوزن لي من كل الحاجات
الهانم: اوزن له من كل الحاجات
البائع: هات كرسي ياض
لحماده بيه
افخم بضاعه اوزنها ليه يخرج الصبى كرسيين للهانم وابنها
البائع: ارتاحي يا هانم
الهانم،،وهي تجلس،،: مرسيه
الجميع:
رمضان كريم شهرالضيوف
قرب وشوف بضاعتنا شوف
انواع كتير اصناف الوف
يلا اشتري لجل الضيوف
،،، يذهب الطفل مع ابيه الفقير الى بائع الكنافه،،،
الأب: هات نص كيلو كنافه شعر
البائع: حاضر يا بيه طلبك ده أمر
الطفل: والحشو يا آبه
الاب: زبيب وتمر
الطفل: طب والخشاف فين والياميش
الأب: خدنا خلاص العرقسوس
بائع العرقسوس،،يدق الصاجات:
ياعرقسوس ياعرقسوس
شفا وخميره بدون فلوس
الطفل: مابحبهوش مابحبهوش
عايز خشاف عايز ياميش
،،الأب يجذب ابنه من يده،،:
لازم نروح ده النهار
قرب يروح والفطار
فاضله يا ابني
زمن قليل
،،،،،،الأب وابنه يخرجان،،،،،
،،عصام ابودنيا،،
،،،،،
تحياتي وتقديري لإدارتكم المستنيرة الراقية
ردحذف