كان ياما كان ********** بقلمي ✍️ السيد عطاالله
كان ياما كان
**********
بقلمي ✍️ السيد عطاالله
زمان كانت البيوت من طين
السقف كان جريد و قش
الإحترام بين الناس متين
حبل الوداد قوي مش هش
أخلاقنا راحت فين
ماتت الدفنه عقب وصول النعش
يضحك و حقده دفين
أما قلبه أعوذ بالله مليان غش
إللي يحبك تعرفه بالعين
تحس بيه لما يقابلك وش بوش
نادر تلاقي راجل زين
صفي قلبك رضاك سعه لو بعش
زمان الراجل كان أمين
راجل يتحمل لو يكسر دبش
الست كانت مليانه حنيه
جميله زي ملكه على عرش
في غيطها وبيتها قويه
لسانها عسل إزاي ما تنجحش
الناس بعيشتها مرضيه
أكلهم حزمة سريس مع المش
حياتهم بسيطه طبيعيه
الراجل صقر وفي البيت وحش
النهارده ميكنه زراعيه
البيوت فيها كهربا محمول و دش
ما فيه مبيدات حشريه
أما الحشرات بجريده تتنش
الست يتقال لها وليه
الخواجه يقول طنط و وش
زمان إتيكيت و حريه
يرحم لمبة جاز و حصيره فرش
أنا مش ضد تقدم الإنسانيه
ضد موت أخلاق و ضد الفحش
كلمات السيد عطاالله.
تعليقات
إرسال تعليق