باقي من نبضي /بقلم محمد بدوي

 باقى من نبضى

***************

ياقلب باعنى هات قلبى

ليه بتنزع روحى بالقوه

سيب اللى باقى من نبضى

يلملم شوقى من جوه

هو اللى ف نبضى كان باقى

وانا دقاتى كات حره

مرسوم ملامحه ف اوراقى

وإتمنى كان يعيش بكره

جاى دلوقتى تدبحنى

بسكينه حاميه مسنونه

تمزع أوصالى وتسلبنى

روحى اللى بجسمى مرهونه

مبقاش باقى خلاص منى

غير ذكرى لضحكه مخنوقه

ودمعه بتجرى تسبقنى

على خد انايته مشقوقه

والورد المرسوم على خدودى

دبلان وريحته مكتومه

ولا عودى هو كان عودى

والروح من جوه مقسومه

انا مش مكتوبلى يوم افرح

من قلبى الفرحه مسروقه

واتشق ف قلبى مليون جرح

وفيه كام نبضه مشنوقه

واللى هيبقى من روحى

كام ذكرى ف صفحه مدبوحه

منسوجه حروفها بصوت نوحى

وتنهيدة قلب مجروحه

م/محمد بدوى أبوالعلا