ساكن /بقلم احمد السبكي
(ساكن العماره )
ساكن وفوق في العلالي
فرحان ومتهني
عشان دا جاي لك بلاش
فرحان وبتغني
طب ليه بترمي الزباله
علينا في الشارع
والله فعلك دا مؤذي
وليه تزعلني
خليك مؤدب وراعي
حبه شعور الناس
وبلاش بقي مظهره
خليك يا شيخ حساس
كل اللي ماشي وشافك
لعن جدود أهلك
لأن أصل الربايه
مش سكن و خلاص
لو كنت فاكر بإنك
سكنت في العالي
وبقيت كدا محترم
إنزل تعالالي
وح.اعرفك إنت مين
وإيه كمان أصلك
الله يجازي الزمن
كان نفسي يحلالي
فاكر زمان لما والدك
كان راكب جحشه
ما كنش لاقي الرغيف
ولا لاقي يتعشه
ليه تنسي أصلك يا راجل
وانت في العالي
وترمي من فوق زباله
علي ناس بتتمشي
راعي شعور اللي ماشي
ونضف كمان بيتك
وارمي الزباله في مكانها
وتكون قصاد بيتك
ح.يشيلها ناس واشترك
الإشتراك رمزي
ساعتها مش ح.اكرهكك
ولا أدعي يتخرب بيتك
تعليقات
إرسال تعليق