اصل الحقيقة /بقلم حسن الشوان

 .............. أصل الحقيقة ..........

إزرع الفرحه فى قلوب المحتاجين ..

المحتاج محتاج سؤالك وعطفك ..

إسقيهم حنان وخلي فرشتهم بساتين ..

دوول أهلك ومن أصل شرفك ....

 دول غلابه وفى الدنيا مساكين ..

 وخليهم دايما ف حرفك ..

 بيلفوووا الدنيا شقيانين ..

لقمة العيش مش ساهله .. 

في عز البرد شمال ويمين ..

 والمطره عليهم جاهله ..

 لا تعرف ظروفهم ولا هما مين .. 

بس ملامحهم من أول وهله ..

ح تحس بيهم من  نظرة عين ..

والست يا عيني علي راسها شايله ..

والدموع في عينيها لرب العالمين ..

والشقا في وشوش الغلابه معلم ..

في كل مكان رايحين جايين ..

ودول أصل الحقيقة يا متعلم ..

في القاع عايشين وراضيين ..

ولون الدم في عروقهم مبلم ..

مد إيدك وقرررب إسمع الأنين ..

عايش جواهم أطرش متكوم ..

الصوره واضحه بدون تلوين ..

ويا عيني عليها ويا سلام سلم ..

توجع قلب الحجر ودمع الياسمين ..

يصحي الفل معاها كمان يتألم ..

وقلب البشر راح منه الحنين ..

وبقي عنوان بس يقول ويتكلم ..

الإحساس جواه قلم وعناوين ..

بترجع ورا وبتتأخر ولا بتتقدم ..

..............................................

............ حسن الشوان ..............