قلب شمس /بقلم علي عبد الرحيم
قلب شمس
؛؛ ؛ ؛؛؛؛؛؛؛؛؛؛؛؛؛؛؛
الشمس حالفه تاخد الأمل مني
الشمس حالفه تبعد النهارعني
الشمس حالفه تسجن المطر
وتعطش قلبي ام قلب حجر
وحالفه طول الوقت تزعلني
الشمس حالفه تاخد الأمل مني
انا اللي بكتب لك أجمل همس
وانا اللي غنت لك حببتي ياشمس
وانا اللي حلفت لك
ابني ل ضلك أجمل عش
ليه غاويه البعاد اللي بيقتلني
ليه شاربه العناد اللي بيعزبني
كلميني بصي ف عيني
قولي ايه اللي بينك وبيني
حب ولا قرب ولا اعجاب
ولا انا عايش ف أمل كداب
وحروف الغرام دي سراب
كداب ياقلب الشمس كداب
ابعد تقرب أقرب تبعد
اعند تطبطب احن تعند
يا قلبها ياتبعد يا تسعد
ولا لابس توب الضباب
وشارب كأس السحاب
يا قلب الشمس انت كداب
يا حب الشمس انت العذاب
وانا الإخلاص اللي ظالمني
الشمس حالفه تاخد الأمل مني
يا شاهده على الحكايه ياضلايه
مش هنا كانت حببتي ليه غنوايه
واناليها أعز ماليها
واجمل فرحه وضحكابه
نزلت الغيوم ليه ف الصيف
والعشق اللي بينا صبح طيف
وعيونها شارده واحساسها ضعيف
اتاري قلب تاني مزروع ع الباب
كداب ياقلب الشمس كداب
يا حب الشمس انت العذاب
وانا الإخلاص هو اللي ظالمني
الشمس حالفه تاخد الأمل مني
قلب شمس
على عبدالرحيم محمد
تعليقات
إرسال تعليق