قطر الصعيد /بقلم مجدي المنصوري
« قطر الصعيد»
بقلمى مجدى المنصورى
"""""""""""""""""""""""'"""""
ليه يا قطر الصعيد
تعملها تانى من جديد
تصحى فينا حزننا
و القلب ينزف صديد
ابويا لسه لشغله طالع
بينادى يا واد ياعيد
خالى بالك من تهانى
انت و اخوك سعيد
خليكوا على بعض حنينين
الحب بنكم لازم يزيد
قولت الحب فى قلبى يابا
لأمى و أخواتى شئ أكيد
طلع أبويا مبتسم
بكلامى فرحان سعيد
ما كنتش أعرف لحظة قدر
قطر مستنى و قضبان حديد
و كأنى ابويا عارف
مش راجع إلا شهيد
كان مواعدنى انو يسعدنى
وأعيش معاه عمر مديد
و معرفش انى قطر الصعيد
ها يعملها تانى من جديد
ليه كده يا قطر الصعيد
تخلى النار فى القلب تقيد
لسه فى قلبى نار رميس
كان يوميها صابح خميس
و نار مشعلله فى أهلنا
يوميها كان يوم نحيس
أخد أخ و ابن وحفيد
وزاد و غطى قطر الصعيد
ليه يا قطر الصعيد
تعملها تانى من جديد
تعليقات
إرسال تعليق