حد يقولي /سيد المبروك
حد يقولي..... . حد يجاوبني
دم اخويا.... و... دم ابني
دم امي ... دم اختي
دم اللي ع الرصيف مستني
و طفل برئ ف ايديه مناديل
فين منديلك يدوايلي جفني؟
بياع غلبان شايل صينيه
او براد شايو سطلني
يا رب صبر قلوبنا عليهم
نار الخيانه لهيبها حرقني
بصرخ بقلبي وعيوني تبكى
ومين حاسس. ومين سامعني
ذنبه ايه طالب بيدرس
عشان بعلمه يعمر و يبني
و نار بتحرق علمه حريق
يا ناس حرام... موته كسرني
وجندي نازل مشتاق لأمه
يا ارض سينا اتكلمى عني
يا عيون بتبكي بحرقه والم
ع الخد سالت دمعك دبحني
يا بلادي يكفي قتل و دمار
حقي ضايع و ظلمك قهرني
دا ذنب قلبي انه يحبك؟
و لا ذنب مسئؤل هملني؟
ايه ذنب دم ف ميداني؟؟
ارضك عطاشا ترتوي مني؟
و قطر زمان ف ليلة عيد
فاكره يا بلدي ولا نسيتي حزني؟
انا المظلوم... قتل ودمار
واخرة دا كله... مين ينصفني؟؟
$$$$$$$$$$$$$$$$$$$$$$$$$$
#بكل #حزن #والم
#بكت #عيونى #والقلم
#دموع_شاعر
سيد المبروك
تعليقات
إرسال تعليق