واتسرقت منا الساعات /بقلم انتصار حسين
واتسرقت منا الساعات
واتخنقت جوانا حاجات
وشغلتنا بحواديتها الحياة
بكل اللي جاي واللي فات
مفاضلش فينا غير
يادوب دقات..
..
واتسرقت منا الساعات
ولسانا واجعانا الآهات
لسانا بنحلم بيوم العيد
لسانا بنتجهز للقى من جديد
مهما كنا بالأسى مليانين
ومهما وجعتنا السنين
لسة القلوب عمالة تنبض
بدقة محبة ..بنبض حنين
ومهما كنا متخبيين
من همومنا واللا يمين
جوانا عايشة أحلامنا
جوانا بيتنفس آمال
برغم اننا شايلين جبال
ساعات نلاقينا بنبص لبعيد
هناااك ....وشايفين
حلمنا بيتحقق مع السنين
والضحكة مالية حياتنا
ولصفحة الأحزان طاويين
بندور ويا المحبة
بمجرة مافيهاش أنين
...
وساعات نلاقي الخوف
محاصرنا...
مكتف حتى أفكارنا
مسلسلنا....
مغمي عيونا عن النور
عايزنا ندور... معاه
خايف لايوم... ننساه
نفك قيودنا.... وننسى الآه
...
ليه ياخوفنا تحَّجِّمنا
ليه ...تندمنا على هوانا
ولو تلقانا ..سارحين
في بحر هوى المحبين
تهل علينا
بجناحاتك المتخبيين
تزلزلنا ...تفرقنا ..
تسلسلنا.... بأشواقنا
وبين أحلامنا.. تبني سور
ويوم عن يوم تعليه
و تخفي عنا كل النور
ليه قدامنا كدة تهزمنا....
....
ليه تكسرنا بكل ما فيك
وكل مادى..تندمنا
نسينا أيامنا ..وجرينا عليك
....
وساعات ...
نلاقينا كدة يأسين
ولا حاسين ..ايه يفرحنا
وإيه يإلمنا...
وتمر كدة... ساعات ايامنا
وتنسرق من بين إيدينا الحياه
بكل فرح وكل آه
وكل ده وفاكرين
لسانا ...فيها عايشين
واتارينا... بينسرق من بين
إيدينا الزمان...
ولا حاسين....
كأنه طير في الفضا طاير
ووراه طايرين
ولا دريانين.....
..
((وينسرق الزمان))
بقلمي....
إنتصار حسين
تعليقات
إرسال تعليق