ياعشرة عمري /بقلم اسامة جديانة
ياعشرة عمري ياحياتي
ياشاغلة كل أوقاتي
انت الحنين اللي رواني
لو الكون كله ينساني
عمرك فى يوم ماتنسيني
انت الحبيبية والصديقة
يامنسياني مر زماني
العشرة طالت ولساك شباب
ايوه شبابنا رجع تاني
كنا من الشباك للباب
اراقبك وانت تشاوريلي
كأنه امبارح ياحبيبتي
عشنا حياتنا حب فى حب
والبسمة منك ترضيني
فوق الستين واحنا احباب
مشغولة بيا وشغلاني
اولادنا رحلوا وبقوا أغراب
وقت الهموم تواسيني
تقابليني بكل ترحاب
والشوق ظاهرفى عيوني
لافى لوم بينا ولاعتاب
لمسة ايديك تشفيني
تناجيني والهوى غلاب
ياعشرة عمري وسنيني
(((أسامه جديانه)))
تعليقات
إرسال تعليق