ابن عمري /بقلم اسامة جديانة
ياابن عمري
عشت وشوفتك شباب
كان فى ظني
اننا نكون اصحاب
توهت مني
اشعر اننا أغراب
ليه تلومني
كل كلمة فيها عتاب
اسمع مني
ياما شفت سنين عذاب
بتحاكمني
وتسد بيني وبينك ألف باب
تعايرني بفقري
فى دنيا يحكمها الذئاب
عشت قدري
ودفعت أكثر من حساب
على قد عزمي
قدرت أوفرلك اللقمة والكتاب
كان ممكن اكون غني
وتاكل كل يوم كباب
وتقرب مني
وتلبس أغلى الثياب
واكون حرامي
أو بين العباد نصاب
انا بخاف ربي
مهما كان للفقر انياب
أربيك بتعبي
ولا يعاروك الطلاب
حرمت نفسي
لجل ماتكون زينة الشباب
مفروض تشكرني
وتعوضني سنين عذاب
(((أسامه جديانه)))
تعليقات
إرسال تعليق