هذا حال الدنيا /بقلم الزروقي جواد
🌹هذا حال الدنيا🌹
بغيت نعرف حال الدنيا
قالو الناس حالها غريب
دخلت ليها ونا بوهالي
ماشي مهندس ولا طبيب
شفت العجب والعجايب
وصوت الحق فيها غايب
لقيتها غابة عامرة شوك
ما كين غير جري عليا
نجري عليك
كلشي زاعم ما بقا خوف
بنادم ولا فيها متلوف
ما تعرف خوك من عدوك
لقيت فهاد الدنيا
بنادم غالب و مغلوب
ولي يقول كلام الحق
راه إنسان معيوب
منبود ماشي مطلوب
وشفت فيها بنادم رخيص
الدرويش محال فيها يعيش
ولا يا لبس ويربي الريش
أه يا دنيا شفت فيك العجب
ولا غير الغدر ما بقا حب
ما بقات تقة ولا غير الكذوب
المنافق ولا شخص مطلوب
أه يا دنيا كيف وليتي
ملكتي فينا النفوس
ودارتي داك شي لبغيتي
رجعتي الحلال هو الحرام
ومشيتي مع مول المال
فيك الدرويش جهدو قلال
حيت عايش بالحلال
والقناعة عندو هيا رأس المال
الزروقي جواد
المغرب
تعليقات
إرسال تعليق