اه يا الم /بقلم مها ندا
أه يا ألم
******
أه يا ألم ذكريات العمر الجميل
اللى راح ولا يمكن يعود
أه يا دموع مشلولة و عاجزة
وإن سالت أنهار بحور
أنها تعيد ليلة واحده
أحس فيها نفس الشعور
شعور أمان وحب ودفا
خلاص مبقاش ليه وجود
وعيونى تلمح نفس الوجوه
اللى غابت من أهل وجيران
فى ليله سهر خميس ولا عيد
ليله تجمع كل الحبايب
نقعد نتكلم و نحلم
والضحك فيها ينعش قلوب
كأن السعاده لا يمكن تروح
وحاجات كمان كانت جماد
موجوده فى الاعده
أو مرصوصه على الرفوف
كانت بتنطق بالمشاركة
من غير صوت او حروف
لكن خلاص كله راح
إما بسفر وبعد ممات
أو زمن قاسى غير قلوب
بقلم / مها ندا
تعليقات
إرسال تعليق