فلسطين /بقلم بقلم مجدي المنصوري
ــــــــــــ 🇵🇸 فلسطين 🇵🇸ـــــــــ
كلمات/مجدى المنصورى
القلب يا فلسطين
شايل كتير أوجاع
الحق راح على فين
هرب وولا وضاع
كل العرب عارفين
انهم فى ضياع
مين فيهم يحرك مين
مين فيهم هايبقى شجاع
سامع للحزن أنين
عامل فى راسى صداع
ــــــــــــ🇵🇸فلسطين🇵🇸ــــــــــــــــ
قضيه بقالها سنين
و الحل فيها ماع
الأقصى رايح فين
برخص التراب اتباع
القلب يا فلسطين
شايل كتير أوجاع
كل ما نقول السلام
النار تزيد اندلاع
محتل يضرب نار
وطفل حجارته دفاع
ــــــــــــ🇵🇸فلسطين🇵🇸ـــــــــــــــ
امتى يعم السلام
و ينتهى فيكى نزاع
امتى نحرر أرضنا
ونطعم الطفل اللى جاع
مهلا يا قدس مهلا
مهلا يا أهل قطاع
حاسين بكل عذاب
إستشهاد أطفال و شباب
الأقصى بأقدامهم دنسوه
وواقفين على كل باب
ــــــــــــ🇵🇸فلسطين🇵🇸ــــــــــــــــ
الطفل فيكى بألف جندى
بألف من جنود الكلاب
وهايجى يوم أكيد
نمحى فيه كل الضباب
مهما الظلم طال
مهما زادت الأطماع
الحق لازم ينتصر
وهيرجع بلوى الدراع
15/5/2021
تعليقات
إرسال تعليق