الراهب /علي عبد الرحيم
الراهب
؛؛؛؛؛؛؛؛؛؛؛
الراهب حابب يعيش زاهد
ويسجن قلبه ف روحوا
ويسكن بس مع جروحوا
ويبعد عن النفوس اللي بتعاند
الراهب اه بشر مش اله
عاشق من اول سنين صباه
وهيه ام طله وهله مستحيا
ام نظره زاله قاتله مستخبيا
ام دقه للبيع اللي يعشقها يضيع
و الراهب ابوقلب ابيض وديع
كان هو الضحيه
وهيه سبب قساه
الراهب بشر مش اله
دم ولحم واحساس ب الاه
قبل مايبيع الدنيا
اتباع وبيضيع كل ثانيه
وكل حاجه حلوه
حتى نغمة الغنوه
اتكسرت ياالف اه جواه
لالا دا خايف يشكي وبحكي
تترسم ف نظرته كسرته و الاه
الراهب بس على قلبه جاحد
الراهب حابب يعيش زاهد
شايفك يادنيا ف صراع قابيل وهابيل
شايفك يادنيا رابعه العدويه
قبل مايبعد عنها الليل
شايفك يادنيا
ف ضياع القلب الطيب العليل
شايفك يادنيا ف نظرة اللي باع الفرحه
لصوت النداها تدخل ليالينا ب الصرخه
ولنوتة الحزن الجارحه
تعزف وتعزف وتبكي المشاعر وتنزف
احزان ف عتمة الليل الطويل
اشجي بقى يا مواويل
على اللي رابطه سعادتي ف حيرتي
على اللي ساجنه آمالي ف غيرتي
الراهب اه بشر مش اله
دم ولحم واحساس ب الاه
لالا دا خايف يشكي ويحكي
تترسم ف نظرته كسرته والاه
الراهب بس على قلبه جاحد
الراهب حابب يعيش زاهد
ياشمس نهارها قبل ماتشيبي غيبي
يا حس دارها اسألها عن اللي كان حبيبي
عن قلبها ودها اللي كان داريبي
يانقطة ضعفي غيبي وغيبي
قلب الراهب لبس توب شفاه
الراهب اه بشر مش اله
دم ولحم واحساس ب الاه
وعلي قلبه بس جاحد
الراهب حابب يعيش زاهد
الراهب
بقلم على عبدالرحيم محمد
تعليقات
إرسال تعليق