اصرخ ياحجر /جمعه الجر

 قصيدة اصرخ ياحجر.

أصرخ وقول ياحجر..

فين العروبه ياناس...

القدس شاربه المر..

والأقصى تاه وخلاص...

مستنى يقوم الكل..

بقلوب مليها حماس...

داالعار ملا ارضنا..

وشرفنا صبح ينداس...

كافر وطبعه الغدر..

ما عنده أى ضمير...

ينهش فى عرض البنت..

والأب يخده أسير...

والأم تموت م القهر..

وغيرها يموتوا كتير...

والطفل فى أيده الحجر..

صامد وحمله كبير...

صرخ الحجر م الألم..

يآرب أنت مجير...

ترحم صغير انفطم..

ع الحرب والتدمير...

حرام يروح مننا..

والموت يكونله مصير...

أصرخ وقول ياحجر..

دم الطفوله نذير...

أصرخ وصحى البشر..

وقول حرام نتهان...

الندل شرب الخمر..

فى الأقصى كفايه جنان...

وغنى كمان ورقص..

على مسرح الطغيان...

لأمتى نفضل كدا..

الأقصى بقى غلبان...

مستنى عدالة السما..

بالحق ترفع الميزان...

            جمعه الجر