اضعف الايمان /بقلم نجلاء الشنواني

 أضعف الإيمان

ولسه صرختك بتشق في قلوبنا 

وحكامنا مع التطبيع !!!

ومن بينا يقول خونة ويستاهلوا !!!

ومن جهله 

يساير موجة التشنيع

وشماعته حماسك جار على فتحك

وغافل عن أوان فتحك

وراضي الكل فيكِ يبيع

يا جيل شاخت خلايا...

 روحه م التضليل

وفي التعليل !!!

ده اخوانجي اللي ينصرها 

ويوم ما يعدي من سورها ...

يقولوا عميل

وتدنيس اليهود ليها ولا شاغله

وهى من بقيت أهله ؟!

وغاضض طرفه عن دم الولاد سايل ...

بيروي الأرض فبتطرح ...

سنابل نار

فتصبح لعنه ع الفجار

يا شعب يعلم الدنيا دروس الصبر

يا غزة قلبنا بيدعي ....

 من اللحظة ليوم النصر

 ‏بقيت مكسوف أوي منك ...

 ‏يا نازفة الدم م الشريان

 ‏وباكتب نَصي دا ليكِ

 ‏وهذا أضعف الإيمان

بقلم نجلاء الشنواني